ЦІЦЯНКОЎ (ТИТЕНКОВ) Лаўр Афанасевіч

[1885, в. Палошкава Магілёўскай губ., цяпер Клімавіцкі р-н Магілёўскай вобл. — ?], свяшчэннаслужыцель. Беларус. Скончыў духоўную семінарыю, рукапаложаны ў іерэя. Служыў у Магілёўскай епархіі. Быў жанаты, меў сямёра дзяцей. Арыштаваны 30.1.1931 у в. Якаўлевічы Аршанскага р-на Віцебскай вобл. Асуджаны 11.3.1931 са святаром Іакавам Жоравым і актыўнымі прыхаджанамі асобай нарадай пры АДПУ за «контррэвалюцыйную дзейнасць» дa 5 гадоў ППК. Далейшы лёс невядомы. Рэабілітаваны 3.2.1962 Віцебскім абл. судом. Групавая справа Ц. і інш. № 11121-п захоўваецца ў архіве УКДБ Віцебскай вобл.

Верагодна, былі рэпрэсаваны жонка і сваякі Ц.

Кр.: НАРБ, ІКБР; БНДЦЭД.