ЦЕЦЕРВЯНОК (ТЕТЕРВЕНОК) Гардзей Майсеевіч

[1884, в. Мазалеўшчына Дрысенскага пав. Віцебскай губ., цяпер тэрыторыя Верхнядзвінскага р-на Віцебскай вобл. (вёска спалена немцамі падчас 2-й сусветнай вайны) — ?]. Беларус. З сялянскай сям’і. Да арышту стараста Увазнясенскай царквы в. Стралкі Верхнядзвінскага р-на. Быў жанаты, меў чацвёра дзяцей. Арыштаваны 27.4.1933. Асуджаны 26.5.1933 са святаром Палікарпам Кішчанкам і інш. асобай нарадай пры АДПУ за «антысавецкую агітацыю» дa 3 гадоў ППК. Далейшы лёс невядомы. Рэабілітаваны 25.4.1989 пракуратурай БВА. Асабовая справа Ц. захоўваецца ў архіве УКДБ Віцебскай вобл.

Кр.: НАРБ, ІКБР; БНДЦЭД.