РАЎТОВІЧ (РАВТОВИЧ) Іосіф Маркавіч

[1880, в.  Дабраволя Ваўкавыскага пав., Гродзенскай губ. цяпер Свіслацкі р-н Гродзенскай вобл. — ?]. Беларус. З сялянскай сям’і. Скончыў духоўную семінарыю. У  1920-я г. настаяцель Пакроўскай царквы в. Загусціна Клімавіцкага р-на, цяпер Смаленская вобл., Расія. Быў жанаты, меў сына. Арыштаваны 21.1.1930. Асуджаны 24.2.1930 калегіяй АДПУ за «антысавецкую агітацыю» да 5 гадоў ППК. Далейшы лёс невядомы. Рэабілітаваны 24.3.1989 пракуратурай Гродзенскай вобл. Групавая справа Р. і інш. № п-9735 захоўваецца ў архіве УКДБ Гродзенскай вобл.

Кр. НАРБ, ІКБР.