ПІРАГОЎ (ПИРОГОВ) Георгій Васілевіч

[1885, с.Пакроўскае, цяпер Харольскі р-н Палтаўскай вобл., Украіна — ?], святар. Украінец. З сям’і свяшчэннаслужыцеля. Скончыў духоўную семінарыю. Падчас арышту служыў у Магілёве. Быў жанаты, гадаваў сыноў Леаніда (н. ў 1921), Мікалая (1923) і дачок Еўдакію (1926), Галіну (1932). Арыштаваны 19.1.1933 у Магілёве па адрасе: вул. Грамадзянская, д. 56. Асуджаны калегіяй АДПУ 9.6.1933 як «вандроўны святар, удзельнік царкоўна-паўстанцкай контррэвалюцыйнай арганізацыі» і «антысавецкі агітатар» да 10 гадоў ППК. Далейшы лёс невядомы. Рэабілітаваны пракуратурай БССР 17.7.1989. Групавая справа П. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.

[По книге: т. II, с. 172]