ПЕРЛАШКЕВІЧ (ПЕРЛАШКЕВИЧ) Уладзімір Кліменцевіч

[1879, в. Юрцава Высоцкай вол. Аршанскага пав. Магілёўскай губ. — ?]. Беларус. З сялянскай сям’і. Атрымаў сярэднюю спецыяльную адукацыю (?). Служыў псаломшчыкам у Пакроўскай царкве в. Ланінка (Ланенка) Горацкага пав. Магілёўскай губ., цяпер Дубровенскі р-н Віцебскай вобл. Быў жанаты, меў пяцёра дзяцей. Арыштаваны 12.4.1929. Асуджаны 26.6.1929 з настаяцелем царквы Ферапонтам Атрошчанкам і інш. асобай нарадай пры АДПУ за «антысавецкую агітацыю» дa 3 гадоў высылкі. Далейшы лёс невядомы. Рэабілітаваны 10.4.1992 пракуратурай Віцебскай вобл. Асабовая справа П. захоўваецца ў архіве УКДБ Віцебскай вобл.

Кр.: НАРБ, ІКБР.

[По книге: т. II, с. 158]