МЯДЗВЕДЗЕЎ Іван Іванавіч

[1904, Беласток Гродзенскай губ., цяпер Польшча — ?], навуковец. З сялянскай сям’і. Атрымаў вышэйшую адукацыю. Падчас арышту навуковы супрацоўнік Дзяржаўнай бібліятэкі БССР імя Леніна. Быў жанаты, гадаваў дваіх дзяцей. Арыштаваны 8.6.1936 у Мінску па адрасе: вул. Крапоткіна, д. 52, кв. 8. Асуджаны асобай нарадай пры НКВД 22.7.1936 за «антысавецкую агітацыю» да 5 гадоў ППК. Далейшы лёс невядомы. Рэабілітаваны пракуратурай БССР 6.6.1989. Асабовая справа М. № 27279-с захоўваецца ў архіве КДБ Беларусі.

[По книге: т. III, кн. 2, с. 119]