ПАЦЭВІЧ Іван Мікалаевіч

[1891, мяст. Быцень Слонімскага пав. Гродзенскай губ., цяпер Івацэвіцкі р-н Брэсцкай вобл. — 26.5.1938, Масква, НКВД], урач. З сям’і бел. рабочага. Атрымаў вышэйшую медыцынскую адукацыю. Падчас арышту галоўны ўрач Дома інвалідаў № 6 Масквы. Арыштаваны 16.3.1938 у Маскве па адрасе: Харытоньеўскі зав., д. 9/13, кв. 5. Асуджаны камісіяй НКВД і пракуратуры СССР 16.5.1938 за «шпіёнскую дзейнасць на карысць Польшчы» да ВМП. Расстраляны на палігоне НКВД «Аб’ект Бутава». Рэабілітаваны ваеннай калегіяй Вярхоўнага суда СССР 23.7.1957. Асабовая справа П. П-51355 захоўваецца ў ДА РФ.

Кр.: Бутовский Полигон.

Кр. геагр.: Волости и важнейшие селения; Рапановіч. Слоўнік геаграфічных назваў.

[По книге: т. III, кн. 2, с. 170]