МЯЛЕШКА Пётр Васілевіч

[1890, в. Кухцінцы Дзісенскага пав. Віленскай губ., цяпер Міёрскі р-н Віцебскай вобл. — 12.8.1936], дзеяч нацыянальна-вызваленчага руху ў Зах. Беларусі. З 1912 працаваў настаўнікам. Удзельнік стварэння нацыянальна-вызваленчых арганізацый, бел. школ у Зах. Беларусі. У 1922 абраны дэпутатам Польскага сейма. Член ЦК Беларускай сялянска-работніцкай грамады. Пасля яе разгрому арыштаваны і асуджаны да 12 гадоў турэмнага зняволення. У выніку абмену палітвязнямі з 1930 у СССР. Працаваў старшынёй Камісіі па вывучэнні Зах. Беларусі АН БССР. Арыштаваны 1.9.1933. Асуджаны да 10 гадоў ППК. Загінуў у зняволенні. Рэабілітаваны 16.8.1956.

Кр.: Памяць: Гiст.-дакум. хронiка Мінска. У 4 кн. Кн. 3-я. Мн., 2004. С. 619.

[По книге: т. III, кн. 2, с. 120]