ШЫНКЕВІЧ (ШИНКЕВИЧ) Васіль Восіпавіч

[1893, в. Вілейка Барысаўскага пав. Мінскай губ., цяпер Докшыцкі р-н Віцебскай вобл. — ?]. З сялянскай сям’і. У 1920-я г. член царкоўнага савета Спаса-Праабражэнскага храма ў роднай вёсцы. Быў жанаты, меў пяцёра дзяцей. Арыштаваны 31.12.1932. Асуджаны калегіяй АДПУ 27.4.1933 за «антысавецкую агітацыю і прапаганду» да высылкі за межы БССР (тэрмін не пазначаны). Далейшы лёс невядомы. Рэабілітаваны пракуратурай Віцебскай вобл. 10.10.1989. Асабовая справа Ш. захоўваецца ў архіве УКДБ Віцебскай вобл.

Кр.: НГАБ, ф. 2786, в. 1, с. 67.

[From the book: vol. II, p. 449]