АРСЕНІЙ (ТАМАШОЎ)

[Аляксей Конанавіч; 1880, Быхаў Магілёўскай губ., цяпер райцэнтр Магілёўскай вобл. — 2.4.1938, Магілёў, турма НКВД]. Беларус. Іераманах Магілёўскага Богаяўленскага (Брацкага) мужчынскага манастыра. Праходзіў па адной справе з архімандрытам Фролам (Ганчарэнкам), манахам Пятром (Мартышкам), царкоўным старастам Емяльянам Лабяком, актыўным прыхаджанінам Ірынархам Жабыкам (н. ў 1879). Арыштаваны 19.2.1938. Асуджаны 9.3.1938 тройкай НКВД за «контррэвалюцыйную дзейнасць» да ВМП з канфіскацыяй маёмасці. Расстраляны. Рэабілітаваны 25.9.1965 прэзідыумам Магілёўскага абл. суда. Групавая справа Т. і інш. №  9105 захоўваецца ў архіве УКДБ Магілёўскай вобл.

Кр.: НАРБ, ІКБР.