СКВІРСКАЯ Марыя Пятроўна

[1911, Магілёў — ?], артыстка. З сялянскай сям’і. Атрымала сярэднюю спецыяльную адукацыю. Працавала ў Беларускім тэатры оперы і балета. Выйшла замуж, гадавала дзіця. У час 2-й сусветнай вайны засталася на акупаванай тэрыторыі. Арыштавана 17.1.1945 у Мінску па адрасе: вул. Камароўская, д. 3, кв. 4. Асуджана асобай нарадай пры НКВД 4.3.1946 за «супрацоўніцтва з нямецкімі акупантамі» да 5 гадоў ППК. Далейшы лёс невядомы. Рэабілітавана пракуратурай Беларусі 26.5.1992. Асабовая справа С. № 33969-с захоўваецца ў архіве КДБ Беларусі.

[From the book: vol. III, book 2, p. 292]