СУБАЧ Мікалай Міхайлавіч

[1903, в. Мікольцы Віленскага пав. Віленскай губ., цяпер Мядзельскі р-н Мінскай вобл. — ?], артыст. З сялянскай сям’і. Атрымаў сярэднюю спецыяльную адукацыю. Працаваў у Беларускім дзяржаўным тэатры. Быў жанаты, гадаваў дзіця. Арыштаваны 24.8.1937 у Віцебску. Асуджаны асобай нарадай пры НКВД 28.10.1937 як «агент польскай разведкі» і за «антысавецкую дзейнасць» да ВМП. Далейшы лёс невядомы. Рэабілітаваны трыбуналам БВА 9.1.1959. Асабовая справа С. № 4126-П захоўваецца ў архіве УКДБ Віцебскай вобл.

Кр. геагр.: Назвы населеных пунктаў.

[From the book: vol. III, book 2, p. 325]