ЛАЎРОЎ Фёдар Піліпавіч

[1896, Самарканд, цяпер Узбекістан — ?], работнік культуры. З сям’і службоўца. Атрымаў вышэйшую адукацыю. Працаваў у Пінскім доме афіцэраў. Быў жанаты, гадаваў дзіця. Арыштаваны 20.6.1941 у Пінску па адрасе: вул. Перэца, д. 27. Асуджаны асобай нарадай пры НКВД 27.6.1941 за «контррэвалюцыйную дзейнасць» да 5 гадоў папраўча-працоўных работ. Этапаваны ва Усць-Вымскі канцлагер НКВД Комі АССР. Далейшы лёс невядомы. Рэабілітаваны прэзідыумам Брэсцкага абл. суда 19.11.1966. Асабовая справа Л. № 6297-с з фотаздымкам захоўваецца ў архіве УКДБ Брэсцкай вобл.