КАРАЛЬЧУК Лявонцій Іванавіч

[1880, в. Каменка Бельскага пав. Гродзенскай губ., цяпер Падляшскае ваяв., Польшча — ?], архіварыус. З сям’і рабочага. Працаваў на ст. Мінск-таварная. Арыштаваны 17.7.1938 у Мінску па адрасе: вул. Талстога, д. 14/3. Асуджаны «тройкай» НКВД 7.10.1938 за «шпіянаж на карысць польскіх разведорганаў» да 10 гадоў папраўча-працоўных работ. Этапаваны ва Унжэнскі канцлагер НКВД Горкаўскай вобл. (ст. Сухабязводная). Далейшы лёс невядомы. Рэабілітаваны трыбуналам БВА 20.10.1958. Асабовая справа К. № 13219-с захоўваецца ў архіве КДБ Беларусі.

[From the book: vol. III, book 1, p. 459]