СУРЫН Феліцыян

[каля 1840, Магілёўшчына — пасля 1888, Магілёўшчына], пісьменнік, мемуарыст, краязнавец, фалькларыст. Пісаў на польскай мове. Супрацоўнічаў з час. «Tygodnik illustrowany». Збіраў бел. народныя песні, паданні і прыказкі. Лічыў, што прыказкі — «найбольшае багацце твораў фантазіі беларускага народа», бо яны маюць глыбокі змест, выразны і арыгінальны досціп, наіўную форму і глыбокія максімы. Удзельнік паўстання 1863 у Горках. Быў арыштаваны. Аўтар артыкулаў «Экскурсія па берагах Бярэзіны» (1863), «Лісты з Беларусі» (1878) і інш. Супрацоўнічаў з рэдакцыяй «Геаграфічнага слоўніка».

Літ.: Olechnowicz M. Polscy badacze folkloru i języka białoruskiego w XIX wieku. Łódź, 1986. S. 140 — 141; Słownik geograficzny Królewstwa Polskiego i innych krajów słowiańskich. Warszawa, 1887. T. VIII.

[From the book: vol. II, p. 251]