Даведнiкi пiсьменнiка, гiсторыка, энцыклапедыста Леанiда Маракова «Рэпрэсаваныя грамадскiя i культурныя дзеячы Беларусi»
Галоўная » Даведнiкi » Рэпрэсаваныя праваслаўныя свяшчэнна- i царкоўнаслужыцелi Беларусi. 1917-1967. » Том II » РУНКЕВІЧ (РУНКЕВИЧ) Мікалай
РУНКЕВІЧ (РУНКЕВИЧ) Мікалай
[1876 — ?]. Беларус. Сын Парфірыя Рункевіча* . Скончыў Мінскую духоўную семінарыю (1898?). У 1920-я г. настаяцель Мікалаеўскай царквы в. Станькава Мінскага пав., цяпер Дзяржынскі р-н Мінскай вобл. Быў жанаты, меў двое дзяцей. Арыштаваны 31.8.1930. Асуджаны 25.11.1930 са святаром Мінскай епархіі Міхаілам Любічам і інш. асобай нарадай пры АДПУ за «антысавецкую агітацыю» дa 3 гадоў ППК. Далейшы лёс невядомы. Рэабілітаваны 19.3.1992 пракуратурай і КДБ Беларусі. Асабовая справа Р. № 32238-с захоўваецца ў архіве КДБ Беларусі.
Кр.: Памяць: Гісторыка-дакументальная хроніка Дзяржынскага раёна. Мн., 2004.
* Вучыўся ў прычтавым класе Пінскага духоўнага вучылішча. На службе з 1861. У 1880 — 1900-я г. псаломшчык Спаса-Праабражэнскага храма мяст. Новая Мыш Навагрудскага пав. Мінскай губ., цяпер Баранавіцкі р-н Брэсцкай вобл.