ЯЦКЕВІЧ (ЯЦКЕВИЧ) Васіль Вікенцевіч

[1903, в.  Восава (?) Мінскай губ., цяпер Смалявіцкі р-н Мінскай вобл. — ?], стараста адной з Аршанскіх цэркваў. Беларус. З сялянскай сям’і. Падчас арышту працаваў на Аршанскай чыгуначнай станцыі. Быў жанаты, гадаваў дзіця. Арыштаваны 9.3.1932 у Оршы Віцебскай вобл. Асуджаны 13.4.1932 асобай нарадай пры АДПУ за «антысавецкую агітацыю» дa 3  гадоў высылкі. Далейшы лёс невядомы. Рэабілітаваны 30.11.1989 пракуратурай Віцебскай вобл. Асабовая справа Я. № 20433-п захоўваецца ў архіве УКДБ Віцебскай вобл.

Верагодна, рэпрэсаваны і сваякі Я.

Кр.: Расстрельные списки: «Коммунарка».