ЯЗВІЦКІ (ЯЗВИЦКИЙ) Іаан

[1869, Расія (?) — 1936], протаіерэй, апошні рэктар Мінскай духоўнай семінарыі да яе закрыцця ў 1918. Падчас арышту настаяцель царквы св. Марыі Магдаліны ў Мінску на вул. Старажоўскай. Паводле некаторых звестак арыштаваны ў 1927, асуджаны да зняволення і этапаваны ў Салавецкі канцлагер АДПУ Архангельскай вобл. Пасля вызвалення жыў (верагодна, у сваякоў) ва Уладзімірскай вобл., Расія.

Кр.: Синодик за веру и церковь Христову пострадавших в Минской епархии.