ШЫДЛОЎСКІ (ШИДЛОВСКИЙ) Ціхан Васілевіч

[1886, в. Карзуны (Корзуны) Ігуменскага пав. Мінскай губ., цяпер Чэрвеньскі р-н Мінскай вобл. — 26.3.1938, Мінск, турма НКВД]. Беларус. З сялянскай сям’і. Да арышту стараста царквы ў роднай вёсцы. Арыштаваны 7.2.1938. Асуджаны 14.2.1938 паводле пастановы калегіі НКВД за «антысавецкую агітацыю» дa ВМП з канфіскацыяй маёмасці. Расстраляны. Рэабілітаваны 29.4.1989 пракуратурай Мінскай вобл. Асабовая справа Ш. № 22245-с захоўваецца ў архіве КДБ Беларусі.

Кр.: НАРБ, ІКБР; БНДЦЭД.

[По книге: т. II, с. 444–445]