ШАВЯКОЎ (ШЕВЯКОВ) Пётр Пятровіч

[1895, в.  Богава (?) Тульскай губ., цяпер Яфрэмаўскі р-н Тульскай вобл., Расія — ?], святар Беларускай аўтаномнай праваслаўнай царквы (абнаўленчай). Рускі. З сялянскай сям’і. Да арышту настаяцель царквы в. Траскоўшчына тагачаснага Заслаўскага р-на (з 1978 у  межах Мінска). Арыштаваны 19.7.1935. Асуджаны 13.11.1935 паводле пастановы калегіі НКВД за «контррэвалюцыйную дзейнасць» дa 5 гадоў ППК. Далейшы лёс невядомы. Рэабілітаваны 20.9.1962 пленумам Вярхоўнага суда БССР. Групавая справа Ш. і інш. № 17931-с захоўваецца ў архіве КДБ Беларусі.

Кр.: НАРБ, ІКБР; БНДЦЭД.