Справочники писателя, историка, энциклопедиста Леонида Морякова "Репрессированные общественные и культурные деятели Беларуси"
Главная » Справочники » Репрессированные православные священно- и церковно-служители Беларуси, 1917-1967. Т. II » Том II » ЧАТЫРКІН (ЧЕТЫРКИН) Сергій Сцяпанавіч
ЧАТЫРКІН (ЧЕТЫРКИН) Сергій Сцяпанавіч
[1878, мяст. Горы Чавускага пав. Магілёўская губ., цяпер Горацкі р-н Магілёўскай вобл. — сак. 1930 (?), Магілёў, турма АДПУ]. Беларус. З сям’і свяшчэннаслужыцеля. Верагодна, брат Леаніда Сцяпанавіча Чатыркіна* . Скончыў духоўную семінарыю, рукапаложаны ў іерэя. Служыў у Мікалаеўскай царкве ў родным мястэчку. Быў жанаты, меў двое дзяцей. Арыштаваны 17.2.1930. Асуджаны 3.3.1930 са святаром Парфірыем Сіняковым калегіяй АДПУ за «антысавецкую агітацыю» да ВМП. Расстраляны. Рэабілітаваны 24.8.1989 пракуратурай Магілёўскай вобл. Групавая справа Ч. і інш. № 10509-сн захоўваецца ў архіве УКДБ Магілёўскай вобл.
Кр.: Памятная книжка Могилевской губернии.
* Скончыў духоўную семінарыю, рукапаложаны ў іерэя (1895). У 1904—09 настаяцель Іаанаўскага храма в. Анікавічы Горацкага пав. Магілёўскай губ., цяпер Горацкі р-н, благачынны цэркваў 1-й акругі.