ХВАЛЕБНАЎ (ХВАЛЕБНОВ) Аляксандр Васілевіч

[1876, в. Фошня Масальскага пав. Калужскай губ., цяпер Масальскі р-н Калужскай вобл. — ?]. Беларус. З сям’і свяшчэннаслужыцеля. Скончыў духоўную семінарыю, рукапаложаны ў іерэя. У 1920-я г. настаяцель Уваскрасенскай царквы ў Слуцку, цяпер райцэнтр Мінскай вобл. Арыштаваны 1.7.1927. Асуджаны 7.10.1927 асобай нарадай пры АДПУ за «антысавецкую агітацыю» дa 3 гадоў высылкі ў Марыйскую АССР. Далейшы лёс невядомы. Рэабілітаваны 10.9.1989 пракуратурай БССР. Асабовая справа Х. № 31177-с захоўваецца ў архіве КДБ Беларусі.

Кр.: НАРБ, ІКБР; БНДЦЭД.