ТАРУШКА (ТАРУШКО) Севасцян Рыгоравіч

[1874, в. Гілі Сенненскага пав. Магілёўскай губ., цяпер Чашніцкі р-н Віцебскай вобл. — ?], селянін-аднаасобнік. У 1920-я г. старшыня царкоўнага савета Свята-Петра-Паўлаўскага храма ў роднай вёсцы. Быў жанаты, меў пяцёра дзяцей. Арыштаваны 27.3.1931. Асуджаны калегіяй АДПУ 27.8.1931 як «удзельнік контррэвалюцыйнай кулацка-царкоўнай арганізацыі» да высылкі з сям’ёй на Урал. Далейшы лёс невядомы. Рэабілітаваны Віцебскім абл. судом 19.10.1988. Асабовая справа Т. захоўваецца ў архіве УКДБ Віцебскай вобл.

Кр.: НГАБ, ф. 2786, в. 1, с. 67.