ТАЛСТОЙ (ТОЛСТОЙ) Васіль Іванавіч

[1887, в.  Бачэйкава Лепельскага пав. Віцебскай губ., цяпер Бешанковіцкі р-н Віцебскай вобл. — ?]. Беларус. З сялянскай сям’і. Да арышту стараста Ільінскага храма ў мяст. Бешанковічы Віцебскай вобл. Быў жанаты, меў сямёра дзяцей. Арыштаваны 8.3.1932 у роднай вёсцы. Асуджаны 5.6.1932 з псаломшчыцай Бешанковіцкай царквы Аленай Магер, святаром Полацка-Віцебскай епархіі Андрэем Кошалевым і інш. асобай нарадай пры АДПУ за «антысавецкую агітацыю» дa 5 гадоў ППК. Далейшы лёс невядомы. Рэабілітаваны 6.10.1988 прэзідыумам Віцебскага абл. суда. Групавая справа Т. і інш. захоўваецца ў архіве УКДБ Віцебскай вобл.

Кр.: НАРБ, ІКБР; БНДЦЭД.