СТРУКОЎСКІ (СТРУКОВСКИЙ) Сергій

[1907, в.  Старажоўцы Мазырскага пав. Магілёўскай губ., цяпер Жыткавіцкі р-н Гомельскай вобл. — ? ], сын Фёдара Анастасавіча Струкоўскага і Сафіі Пятроўны Яхневіч, брат Іаана і Мікалая Струкоўскіх. Падчас 2-й сусветнай вайны заставаўся на акупаванай тэрыторыі, верагодна, служыў у Свята-Троіцкай царкве ў г.п. Целяханы Івацэвіцкага р-на Брэсцкай вобл. З восені 1944 працаваў у Целяханскім раённым прамысловым камбінаце. Арыштаваны 13.12.1944. Асуджаны 11.10.1946 як «пасобнік нямецкіх акупантаў» да 8 гадоў ППК і 3 гадоў пазбаўлення правоў. Этапаваны ў адзін з канцлагераў Краснаярскага краю. Вызвалены 11.12.1952. Далейшы лёс невядомы. Рэабілітаваны 8.10.1959 калегіяй Вярхоўнага суда РСФСР. Асабовая справа С. № 4812-с захоўваецца ў архіве УКДБ Брэсцкай вобл.

Кр.: Памятная книжка Минской губернии; НАРБ, ІКБР.