СІНКЕВІЧ (СИНКЕВИЧ) Грыгорый Лявонавіч

[1880, в. Ермалоўшчына (?) Віцебскай губ. — ?]. Беларус. З сялянскай сям’і. Да арышту дыякан царквы в. Таронкавічы Лепельскага р-на Віцебскай вобл. Быў жанаты, меў сямёра дзяцей. Арыштаваны 7.2.1930. Асуджаны 24.2.1930 са святарамі Полацка-Віцебскай епархіі Міхаілам Лаўрыновічам, Мікалаем Любарскім і інш. асобай нарадай пры АДПУ за «антысавецкую агітацыю» дa 3 гадоў ППК. Далейшы лёс невядомы. Рэабілітаваны 31.8.1989 пракуратурай Віцебскай вобл. Асабовая справа С. захоўваецца ў архіве УКДБ Віцебскай вобл.

Кр.: НАРБ, ІКБР.

[По книге: т. II, с. 287–288]