САМІНІЧ (СОМИНИЧ) Грыгорый Дзмітрыевіч

[1874, Магілёў — кастр. 1937 (?), Магілёў, турма НКВД]. Беларус. Скончыў духоўную семінарыю, рукапаложаны ў іерэя. Прызначаны ў Пакроўскі храм в. Нямойта Сенненскага пав. Магілёўскай губ., цяпер Сенненскі р-н Віцебскай вобл. З 1911 настаяцель Георгіеўскай царквы в. Кароўчына Чавускага пав. Магілёўскай губ., цяпер Дрыбінскі р-н Магілёўскай вобл. Арыштаваны ў 1937 у Магілёве. Асуджаны 28.9.1937 тройкай НКВД за «контррэвалюцыйную дзейнасць» да ВМП. Расстраляны. Рэабілітаваны 9.4.1966 Магілёўскім абл. судом. Групавая справа С. і інш. № 9171 захоўваецца ў архіве УКДБ Магілёўскай вобл.

Кр.: Памятная книжка Могилевской губернии.