ПЫЖЫКАЎ (ПЫЖИКОВ) Іван Якаўлевіч

[1890 — 6.4.1955 пас. Падлужжа, Чачэрскі р-н Гомельскай вобл.]. З 1909 псаломшчык Мікалаеўскай царквы в. Рагінь Рагачоўскага пав. Магілёўскай губ., цяпер Буда-Кашалёўскі р-н Гомельскай вобл. Рукапаложаны ў іерэя. З 1923 служыў у Раства-Багародзіцкім храме в. Скіток Гомельскага пав. Магілёўскай губ., цяпер Гомельскі р-н. З 1928 у царкве в. Крукі (?), цяпер Светлагорскі р-н Гомельскай вобл. У 1941—44 настаяцель Свята-Троіцкага храма в. Цялуша, цяпер Бабруйскі р-н Магілёўскай вобл. Арыштаваны ў 1944. Асуджаны да 10 гадоў ППК. Вызвалены 6.3.1955.

Жонка святара Ксенія Фядосаўна памерла 6.12.1957.

Кр.: Архіў Мінскага епархіяльнага ўпраўлення, ф. 1, в. 2.

[По книге: т. II, с. 185]