ПРАСАЛОВІЧ (ПРОСОЛОВИЧ) Андрэй Ігнатавіч

[1882, в. Зарэчча Магілёўскай губ., цяпер Шклоўскі р-н Магілёўскай вобл. — ?], святар. Беларус. З сялянскай сям’і. У 1920-я г. служыў у Пакроўскай царкве в.Язёры (тагачасны паштовы адрас: ст. Шклоў) Магілёўскага пав., цяпер Круглянскі р-н Магілёўскай вобл. Арыштаваны 7.4.1933. Асуджаны калегіяй АДПУ 9.6.1933 як «удзельнік контррэвалюцыйнай царкоўна-паўстанцкай арганізацыі» да 5 гадоў ППК. Этапаваны ў Далёкаўсходні канцлагер АДПУ. 27.11.1934 уцёк з канцлагера. Далейшы лёс невядомы. Рэабілітаваны пракуратурай БССР 17.7.1989. Групавая справа П. і інш. № 27605-с захоўваецца ў архіве КДБ Беларусі.

Кр.: НАРБ, ІКБР.

[По книге: т. II, с. 176]