ПАЛОНСКІ (ПОЛОНСКИЙ) Георгій Іванавіч

[1889 ці 1890 — 18 або 19 верас. 1918, Віцебск], службовец, рэлігійны дзеяч. Скончыў ун-т, абараніў дысертацыю са ступенню кандыдата юрыдычных навук. Служыў гласным у Віцебскай гарадской думе, потым — да 1917 — ва Упраўленні інспектара Ваенна-паветранага флота на пасадзе обер-афіцэра для даручэнняў. Прымаў удзел у Свяшчэнным Саборы РПЦ 1917—18 ад Полацкай епархіі. 3.7.1918 у Віцебску з членам Сабора Б.А.Бялыніцкім-Бірулем узяты заложнікам «у адказ на забойства Урыцкага і раненне Леніна». 18.9.1918 Віцебскай губ. ЧК асуджаны да ВМП. Расстраляны.

Кр.: Афіцыйны сайт Віцебскай епархіі.