МІЛАНОВІЧ (МИЛАНОВИЧ) Васілій Андрэевіч

[1877, в. Недраска Мінскага пав., цяпер Мінскі р-н — 21.10.1937, Гомель, турма НКВД]. У 1920-я г. настаяцель Свята-Троіцкай царквы в. Дземяхі Рэчыцкага пав. Мінскай губ., цяпер Рэчыцкі р-н Гомельскай вобл. Арыштаваны ў 1932. Вызвалены ў 1933. Зноў арыштаваны 14.9.1937. Прыгавораны 16.10.1937 тройкай НКВД да ВМП. Расстраляны. Рэабілітаваны 19.10.1989.

5.11.1937 у в. Дземяхі арыштавана Мілановіч Ганна Васілеўна (н. ў 1872 у в. Міхалькі, цяпер Гомельскі р-н), жонка святара. 30.11.1937 асуджана асобай нарадай пры НКВД да 10 гадоў ППК. Этапавана, хутчэй за ўсё, у Акмолінскі канцлагер НКВД Казахскай ССР. Загінула ў зняволенні 27.12.1941. Рэабілітавана 13.9.1965.

Кр.: Памяць. Гісторыка-дакументальная хроніка Рэчыцкага раёна. У 2-х кн. Кн. 1. Мн., 1998.