МЕЛЬНІК (МЕЛЬНИК) Васілій Ананевіч

[1887, в.  Лошніца Барысаўскага пав. Мінскай губ., цяпер Барысаўскі р-н Мінскай вобл. — 16.10.1937, Мінск, турма НКВД]. Беларус. З сялянскай сям’і. У 1920-я г. член царкоўнага савета Свята-Духавай царквы ў роднай вёсцы. Арыштаваны 15.8.1937. Асуджаны тройкай НКВД 4.10.1937 за «сістэматычнае правядзенне падрыўной работы сярод насельніцтва» да ВМП з канфіскацыяй маёмасці. Расстраляны. Рэабілітаваны Мінскім абл. судом 2.2.1957. Асабовая справа М. № 9993-с захоўваецца ў архіве КДБ Беларусі.

Кр.: НГАБ, ф. 2786, в. 1, с. 67; НАРБ, ІКБР.