МАЛАЧЫНСКІ (МОЛОЧИНСКИЙ) Міхаіл Андронікавіч

[1872, мяст. Копысь Аршанскага пав. Магілёўскай губ., цяпер Аршанскі р-н Віцебскай вобл. — 7.10.1937, Віцебск, турма НКВД]. Беларус. З сям’і свяшчэннаслужыцеля. Скончыў Магілёўскую духоўную семінарыю, рукапаложаны ў іерэя. Служыў у Александра-Неўскім храме в. Крапіўна Горацкага пав. Магілёўскай губ., цяпер Аршанскі р-н. 12.1.1906 пераведзены ў Пакроўскі храм в. Вейна Сенненскага пав. Магілёўскай губ., цяпер Сенненскі р-н Віцебскай вобл. 26.1.1906 перавод ануляваны. У 1920-я г. служыў у адной з цэркваў Оршы. Быў жанаты, меў трое дзяцей. Арыштаваны 3.4.1932. Асуджаны 9.8.1932 з  інш. святарамі, манахамі, манахінямі, царкоўнымі служачымі і актыўнымі прыхаджанамі асобай нарадай пры АДПУ за «контррэвалюцыйную дзейнасць» дa 3 гадоў высылкі. Пасля вызвалення вярнуўся на радзіму. Зноў арыштаваны 21.9.1937 у Віцебску па адрасе: вул. 6-я Свярдлова, д. 19. Асуджаны 28.9.1937 з 40  свяшчэнна- і царкоўнаслужыцелямі і актыўнымі прыхаджанамі тройкай НКВД за «антысавецкую агітацыю» дa ВМП з канфіскацыяй маёмасці. Расстраляны. Па першай справе (групавая № 6739-п захоўваецца ў архіве УКДБ Віцебскай вобл.) рэабілітаваны 9.2.1959 ваеннай калегіяй Вярхоўнага суда БССР. Па другой 28.7.1956 прэзідыумам Віцебскага абл. суда.

Кр.: Памятная книжка Могилевской губернии; Могилевские Епархиальные Ведомости; БНДЦЭД.