СУВОРАЎ (СУВОРОВ) Ануфрый Кандратавіч

[1881, Магілёўская губ. — ?]. З 1900 працаваў настаўнікам. Рукапаложаны ў іерэя (1913). Служыў у Мікалаеўскай царкве в. Азарычы (тагачасны паштовы адрас: ст. Чуровічы Чарнігаўскай губ.) Стара-Юркавіцкай вол. Гомельскага пав. Магілёўскай губ., цяпер Чарнігаўская вобл., Украіна. Арыштаваны ў 1930. Высланы ў Паўночны край. Маёмасць канфіскавана. Працаваў на лесанарыхтоўках у Карпагорскім р-не. 20.6.1931 узяты пад варту і 6.10.1931 прыгавораны за «ўдзел у тайных богаслужэннях» да 5 гадоў ППК. Далейшы лёс невядомы. Рэабілітаваны 1.12.1992.

Кр.: Памятная книжка Могилевской губернии; За веру Христову. Духовенство, монашествующие и миряне Русской Православной Церкви, репрессированные в Северном крае (1918—1951). Биографический справочник. Архангельск, 2006.