КАМПАНЕЦ (КОМПАНЕЦ) Амвросій Грыгор’евіч

[1890, в. Верасочы, цяпер Украіна — ?], іераманах. Украінец. З сялянскай сям’і. У 1920-я г. служыў у  Мікалаеўскай царкве в. Новая Тухіня Аршанскага пав. Магілёўскай губ., цяпер Дубровенскі р-н Віцебскай вобл. Арыштаваны 24.12.1931. Асуджаны 11.5.1932 асобай нарадай пры АДПУ за «антысавецкую агітацыю» дa 5 гадоў ППК. Далейшы лёс невядомы. Рэабілітаваны 10.7.1989 пракуратурай Віцебскай вобл. Асабовая справа К. захоўваецца ў архіве УКДБ Віцебскай вобл.

Кр.: БНДЦЭД.