СЛЕСАРАЎ Уладзімір Паўлавіч

[1927, в. Буда Аршанскай акругі, цяпер Сенненскі р-н Віцебскай вобл. — ?], вайсковец. З сялянскай сям’і. Атрымаў сярэднюю спецыяльную адукацыю. Служыў камандзірам радыёаддзялення в/ч 10856 у Багушэвіцкім р-не Віцебскай вобл. (цяпер Сенненскі р-н Віцебскай вобл.). Арыштаваны 1.7.1950. Абвінавачваўся ў тым, што «слухаў на службе «Голас Амерыкі». Асуджаны 17.8.1950 за «антысавецкую агітацыю і прапаганду» да 10 гадоў ППК і 3 гадоў пазбаўлення правоў з канфіскацыяй маёмасці. Этапаваны ў адзін з далёкаўсходніх канцлагераў (каля Камсамольска-на-Амуры). Далейшы лёс невядомы. Рэабілітаваны 16.4.1991 ваенным пракурорам Мінска. Асабовая справа С. захоўваецца ў архіве УКДБ Віцебскай вобл.

Кр. геагр.: Рапановіч. Слоўнік геаграфічных назваў.

[По книге: т. III, кн. 2, с. 296–297]