МІКУЛІЧ Алена Трафімаўна

[1926, Вілейка Віленскага ваяв., цяпер Мінская вобл. — ?], навучэнка. З сям’і службоўца. Мела незакончаную сярэднюю спецыяльную адукацыю. У час 2-й сусветнай вайны заставалася на акупаванай тэрыторыі, вучылася ў школе. Арыштавана 13.10.1945 у Вілейцы. Асуджана пазасудовым органам 24.5.1946 як «член нацыяналістычнай арганізацыі СБМ» да 3 гадоў ППК. Далейшы лёс невядомы. Рэабілітавана прэзідыумам Мінскага абл. суда 19.6.1996. Асабовая справа М. № 10869-с захоўваецца ў архіве КДБ Беларусі.

Кр. геагр.: Назвы населеных пунктаў.