ХОМІЧ Якаў Фёдаравіч

[1897, в. Зарэчка Кобрынскага пав. Гродзенскай губ., цяпер Драгічынскі р-н Брэсцкай вобл. — 22.12.1937, Масква, НКВД], службовец. З бел. сялянскай сям’і. Атрымаў сярэднюю адукацыю. Падчас арышту прараб плаціны № 29 канала Масква—Волга. Арыштаваны 29.10.1937 у пас. Пакроўска-Глебава Краснагорскага р-на Маскоўскай вобл. Асуджаны «тройкай» НКВД Маскоўскай вобл. 20.12.1937 за «ўдзел у контррэвалюцыйнай дыверсійнай шкодніцкай арганізацыі на канале Масква—Волга» да ВМП. Расстраляны на палігоне НКВД «Аб’ект Бутава». Рэабілітаваны 20.9.1956. Асабовая справа Х. захоўваецца ў ДА РФ.

Кр.: Бутовский Полигон.

Кр. геагр.: Рапановіч. Слоўнік геаграфічных назваў.