РУДЗІК Уладзімір Аляксандравіч

[1893, Пінск Мінскай губ., цяпер Брэсцкай вобл. — 4.12.1937, Масква, НКВД], фінансіст. З сям’і бел. службоўца. Меў вышэйшую або незакончаную вышэйшую адукацыю. Падчас арышту начальнік фінансавага аддзела завода трэста «Аргметал». Арыштаваны 29.8.1937 у Маскве па адрасе: вул. Пушкіна, д. 7/5, кв. 24. Асуджаны камісіяй НКВД і пракуратуры СССР 27.11.1937 як «падазроны ў шпіёнскай дзейнасці і контррэвалюцыйнай трацкісцкай агітацыі, накіраванай на падрыў аўтарытэту савецкай дзяржавы» да ВМП. Расстраляны на палігоне НКВД «Аб’ект Бутава». Рэабілітаваны ваеннай калегіяй Вярхоўнага суда СССР 11.11.1957.

Кр.: Бутовский Полигон.