ТРУШЫНСКІ Фёдар Сцяпанавіч

[1893, мяст. Мір Навагрудскага пав. Мінскай губ., цяпер Карэліцкі р-н Гродзенскай вобл. — 9.12.1937, Ленінград, НКВД], вайсковец, педагог, удзельнік грамадзянскай вайны. З бел. сям’і. Атрымаў сярэднюю спецыяльную адукацыю. Уступіў у ВКП(б). Быў жанаты, меў траіх дзяцей. Падчас арышту выкладчык курсаў паскоранай падрыхтоўкі камандзірскага саставу. Арыштаваны 26.8.1937 у Кранштаце. Асуджаны камісіяй НКВД і пракуратуры СССР 1.12.1937 як «агент эстонскай разведкі», за «шпіянаж» і «ўдзел ва ўзброеным паўстанні» да ВМП. Расстраляны. Рэабілітаваны 14.5.1957 Вярхоўным судом БССР. Асабовая справа Т. № П-8744 захоўваецца ў архіве УКДБ Гродзенскай вобл.

Кр.: Ленинградский мартиролог.

Кр. геагр.: Волости и важнейшие селения; Рапановіч. Слоўнік геаграфічных назваў.