БЯЗМЕНАВА Яўгенія Сямёнаўна

[1922, хут. Доўгая Дуброва Жыткавіцкага р-на Гомельскай вобл. — ?], спявачка. З сям’і службоўца. Атрымала сярэднюю спецыяльную музычную адукацыю. У час 2-й сусветнай вайны заставалася на акупаванай тэрыторыі. У пасляваенны час — салістка хора Беларускага дзяржаўнага радыёкамітэта. Была замужам, гадавала дзіця. Арыштавана 29.11.1950 у Мінску па адрасе: вул. Цымлянская, д. 59. Асуджана асобай нарадай МДБ як «здрадніца радзімы» і за «антысавецкую агітацыю» да 10 гадоў папраўча-працоўных канцлагераў. Вызвалена 28.7.1955. Рэабілітавана 11.7.1955. Далейшы лёс невядомы. Асабовая справа Б. № 6556-с з фотаздымкам захоўваецца ў архіве КДБ Беларусі.

Кр. геагр.: Рапановіч. Слоўнік геаграфічных назваў.

[По книге: т. III, кн. 1, с. 230]