БЖАСТОЎСКІ Міхал

[? — 1800, Кёнігсберг, Прусія], паліт. дзеяч. З шляхецкага роду герба «Стрэмя». У маладосці, верагодна, служыў у французскім войску. У 1782 быў паслом на Сейм ад Ваўкавыскага пав. Трымаў староствы Пуньскае, Доўгаўскае, Араньскае; Каняўскае староства саступіў прускаму каралю за 10 тыс. талераў штогадовай рэнты. Быў жанаты са сваёй стрыечнай сястрой Барбарай — удаве Юрыя Патоцкага. У 1791 атрымаў ад караля ордэн св. Станіслава. Удзельнічаў у падрыхтоўцы паўстання 1793—94. Арыштаваны ў Вільні 12.4.1794, вывезены ў Смаленск, дзе знаходзіўся ў зняволенні 15 месяцаў. Паводле прысуду 20.6.1795 вызвалены, перададзены на парукі. Выехаў у Кёнігсберг.

Лiт.: PSB, III, z. 1.