БЕЛЫ Георгій Уладзіміравіч

[1928, Мінск — ?], навучэнец. З сям’і рабочага. Меў незакончаную сярэднюю спецыяльную адукацыю. Падчас арышту вучобу, верагодна, сумяшчаў з работай токарам на Мінскім заводзе імя Варашылава. Арыштаваны 31.12.1944. Асуджаны 19.1.1947 (?) як «член нацыянал-фашысцкай арганізацыі «Саюз беларускай моладзі» да 3 гадоў папраўча-працоўных канцлагераў. Этапаваны ва Унжэнскі канцлагер МДБ Горкаўскай вобл. Далейшы лёс невядомы. Рэабілітаваны 1.4.1992 прэзідыумам Мінскага абл. суда. Асабовая справа Б. № 33019-с захоўваецца ў архіве КДБ Беларусі.