КІЕНЯ Макар Аляксандравіч

[1899, в. Домантавічы Слуцкага пав. Мінскай губ., цяпер Капыльскі р-н Мінскай вобл. — 19.4.1939, Масква, НКВД], службовец. З бел. сялянскай сям’і. Атрымаў вышэйшую адукацыю. Уступіў у ВКП(б). У 1930-я г. начальнік Мостатрэста народнага камісарыята шляхоў зносін СССР. Арыштаваны 3.1.1938 у Маскве па адрасе: вул. Спірыдонаўка, д. 18, кв. 13. Асуджаны ваеннай калегіяй Вярхоўнага суда СССР 19.4.1939 за «ўдзел у контррэвалюцыйнай тэрарыстычнай арганізацыі» да ВМП. Расстраляны і пахаваны разам з іншымі ахвярамі на Данскіх могілках. Рэабілітаваны 9.6.1956.

Кр.: Расстрельные списки: Донское кладбище.

Кр. геагр.: Рапановіч. Слоўнік геаграфічных назваў; Назвы населеных пунктаў.