КЛІМОВІЧ Аляксандр Канстанцінавіч

[1899, в. Дабрынёва Мінскай губ., цяпер Дзяржынскі р-н Мінскай вобл. — 14.4.1939, Масква, «Камунарка», НКВД], супрацоўнік НКВД. З сям’і бел. рабочага. Атрымаў пачатковую адукацыю. Уступіў у ВКП(б). Падчас арышту начальнік аддзялення Галоўнага ўпраўлення дзяржаўнай бяспекі пры НКВД СССР. Арыштаваны 28.3.1938 у Маскве па адрасе: Пушкароў зав., д. 8, кв. 50. Асуджаны ваеннай калегіяй Вярхоўнага суда СССР 13.4.1939 за «ўдзел у контррэвалюцыйнай шпіёнска-тэрарыстычнай арганізацыі» да ВМП. Расстраляны. Рэабілітаваны 25.6.1957.

Кр.: Расстрельные списки: Москва 1937—1941: «Коммунарка», Бутово. М., 2000.

Кр. геагр.: Назвы населеных пунктаў.

[По книге: т. III, кн. 1, с. 494]