ГУРЫН Яўген Іванавіч

[1895, в. Ярэмічы Навагрудскага пав. Мінскай губ., цяпер Карэліцкі р-н Гродзенскай вобл. — 16.8.1937, Масква, НКВД], партыйны дзеяч, верагодна, брат Міхаіла Гурына-Маразоўскага. Атрымаў сярэднюю адукацыю. Падчас арышту сакратар Нагінскага гаркама ВКП(б) Маскоўскай вобл. Арыштаваны 22.6.1937 у Маскве па адрасе: вул. Вялікая Паштовая, д. 18/20. Асуджаны ваеннай калегіяй Вярхоўнага суда СССР 16.8.1937 за «ўдзел у контррэвалюцыйнай тэрарыстычнай арганізацыі» да ВМП. Расстраляны і пахаваны разам з іншымі ахвярамі на Данскіх могілках. Рэабілітаваны 22.9.1956.

Кр.: Расстрельные списки: Донское кладбище. 1934—1940. М., 1993. Вып. 1.

Кр. геагр.: Рапановіч. Слоўнік геаграфічных назваў.