СІМАНОВІЧ

[сярэдзіна XVIII ст. — першая палова XIX ст.], паэт, сатырык. Служыў столаначальнікам Магілёўскай казённай палаты. Пісаў на рускай мове. Перадаў Васілю Пасеку (пляменніку магілёўскага губернатара) акраверш, у «якім ганілася гасударыня імператрыца Кацярына ІІ». Калі Пасек быў арыштаваны ў 1794 з-за фінансава-спадчынных праблем, у яго быў знойдзены гэты верш. У выніку С. саслалі на дваццаць гадоў у Сібір.

Літ.: Пассек В. Отрывок жизни // Русский архив. 1863. Слуп. 645—647; Мальдзіс, На скрыжаванні… С. 272.