ЧЫЛЕВІЧ Сафія Ігнатаўна

[1915, в. Конькі Слуцкага пав. Мінскай губ., цяпер Ляхавіцкі р-н Брэсцкай вобл. – ?]. З сялянскай сям’і. Атрымала сярэднюю адукацыю. Працавала настаўніцай няпоўнай СШ в. Мядзведзічы Ляхавіцкага р-на. Падчас 2-й сусветнай вайны заставалася на акупаванай тэрыторыі. Арыштавана 3.1.1945. Паводле адных звестак асуджана 16.8.1946 асобай нарадай пры МДБ як “памагатая нямецкіх акупантаў” да 3 гадоў ППЛ, паводле інш. – вызвалена 7.7.1945. Далейшы лёс невядомы. Рэабілітавана пракуратурай Брэсцкай вобл. 21.2.1991. Асабовая справа Ч. № 10411-с захоўваецца ў архіве УКДБ Брэсцкай вобл.