ПАЗНЯК Кацярына Піліпаўна

[4.3.1926, мяст. Пліса Дзісенскага пав. Віленскага ваяв., цяпер Глыбоцкі р-н Віцебскай вобл. – ?]. З сям’і службоўца. Мела няпоўную сярэднюю спецыяльную адукацыю. Падчас 2-й сусветнай вайны заставалася на акупаванай тэрыторыі, працавала настаўніцай пачатковай школы в. Свілы, цяпер Шаркаўшчынскі р-н Віцебскай вобл. Арыштавана 27.11.1944. Асуджана 20.6.1946 асобай нарадай пры МДБ за “здраду радзіме” да 4 гадоў ППЛ. Этапавана ва Ухта-Іжэмскі лагер МДБ Комі АССР. Далейшы лёс невядомы. Рэабілітавана пракуратурай Віцебскай вобл. 12.3.1992. Асабовая справа П. № 21920-п захоўваецца ў архіве УКДБ Віцебскай вобл.