БЛАЖЭВІЧ Алена Васілеўна

[1907, Калуш (Калыгшчы) Станіслаўскай губ., цяпер Івана-Франкоўская вобл., Украіна– ?]. З сям’і службоўца. Атрымала сярэднюю адукацыю. Працавала настаўніцай СШ мяст. Вішнева былога Ашмянскага пав. Віленскага ваяв., цяпер Валожынскі р-н Мінскай вобл. Выйшла замуж, гадавала двое дзяцей. Арыштавана 11.2.1940. Асуджана 11.12.1940 асобай нарадай пры НКВД за “антысавецкую дзейнасць” да 8 гадоў ППЛ. Этапавана ў Карагандзінскі лагер НКВД Казахскай ССР. Вызвалена 10.11.1941, верагодна, як польская грамадзянка. Далейшы лёс невядомы. Рэабілітавана Пракуратурай БССР 24.7.1989. Асабовая справа Б. № 31258-с з фотаздымкам захоўваецца ў архіве КДБ Беларусі.